#1
|
|||||||||||
|
|||||||||||
يوم كلٍ من خويه تبرا .. حطيت الأجرب لي خويٍ مباري
طار الكرى من موق عيني وفرا .. فزيت من نومي طرالي طواري
وأبديت من جاش الحشى ماتدرا .. وأسهرت من حولي بكثر الهذاري خطٍ لفاني زاد قلبي بحرا .. من شاكي ضيم النيا والعزاري سر ياقلم واكتب على ماتورا .. أزكى سلامي لأبن عمي مشاري شيخ على درب الشجاعة مضرا .. من لابةٍ يوم الملاقى ضواري ياما اسهرنا من حاكم ما يطرا .. واليوم دنيا ضاع فيها افتكاري أشكي لمن يبكي له الجود طرا .. ضراب هامات العداء مايداري ياحييف ياخطوا الشجاع المضرا .. في مصر مملوكٍ لحمر العتاري من الزاد غادٍ له سنامٍ وسرا .. من الذل شبعانٍ ومن العز عاري وش عاد لو تلبس حريرٍ يجرا .. ومتوجٍ تاج الذهب بالزراري فدنياك يا ابن العم هذي مغرا .. ولاخير في دنيا توري النكاري تسقيك حلو ثم تسقيك مرا .. ولذاتها بين البرايا عواري أكفخ بجنحان السعد لاتدرا .. فالعمر ماياقاه كثر المداري مافي يد المخلوق نفعٍ وضرا .. وماقدر الباري على العبد جاري واسلم وسلم لي على من تورا .. واذكر لهم حالي وماكان جاري ان سايلوا عني فحالي تسرا .. قبقب شراع العز لو كنت داري يوم ان كلٍ من خويه تبرا .. حطيت الأجرب لي عميل مباري نعم الرفيق اللي سطاء ثم جرا .. مودع مناعير النشاما حباري رميت عني برقع الذل برا .. ولاخير في من لايدوس المحاري يبقى الفخر وانا بقبري معرا .. وافعال تركي مثل شمس النهاري أحصنت نجدٍ عقب ماهي تطرا .. مصيونةٍ عن حر لفح المذاري ونزلتها غصبٍ بخيرٍ وشرا .. وجمعت شملٍ بالقرايا وقاري والشرع قد مشى بها واستمرا .. ويقرأ بنا درس الضحى كل قاري زال الهوى والغي عنها وفرا .. ويقضي بها القاضي بليا مصاري وان سلت عمن قال لي لاتزرا .. نجد غدت باب بليا سواري ومن امن الجاني كفى ماتحرا .. وتازي حريمه بالقرايا وقاري واجهدت في طلب العلا لين قرا .. وطاب الكرى مع لابسات الخزاري ومن غاص غبات البحر جاب درا .. ويحمد مصابيح السرى كل ساري وانا احمد اللي جاب لي ما اتحرا .. وأذهب غبار الذل عني وطاري والعمر ما يزداد مثقال ذرا .. عمر الفتى والرزق في كف باري وصلاة ربي عد ماخط بالرا .. على النبي ماطاف بالبيت عاري |
08-08-2016, 10:57 PM | #2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
سلمت يمنآكـ على مآحملتهـ لنآ
موضوع عآلي بذوقهـ ,, رفيع بشآنهـ كلمآتـ كآنت ,, وسوف تزآل بآلقلبـ ,, يــ ع ـطيكـ الــ ع ـآآفيهـ على مآطرحتي لنآآ يـآآلــ غ ـلآآآ ,, ولاتحرمينامن جديدكـ ,,,, لآعدمتي ,,, ولآهنتي
|
|
|