يـا قـــلب فضفـض علــى الأوراق واكتــب لـه

يـا قـــلب فضفـض علــى الأوراق واكتــب لـه أبيــات ,, يمكن يجي صدفه.. ويقراها . انزف من إحساسك الصادق ورتب له فوضى مشاعر .. مُحبه .. ضاع معناها . سيّل حروف الوله والشوق واسكب له { من دلتك ,, لين .. عينه .. ينتثر ماها . تراه متجاهل .. أوجـاعــك .. وطايب له ما يدري انه ملك دنيـــاك وأفنــاهــا ..! . ما وفــّر إلا جـــروح ,,, وكبد مندبله وآهات تملا الفضا .. و الضيق يملاها . جفت غصون المحبه في رجا وبله من يوم لــمّ الثمر ما مر وأسقاها . واليوم يا قلب جانا البرد واحطب له ما من يباس المحبه .. غير ذكراها . انثر مشاعر غلا على طرف حبله وان كان ما لمها خلاص .. ما ابغاها . ما عاد فيني أفكر فيه .. وارقب له لو قمت أعيد السوالف ..وآتطراها . ما أبيه يقرا القصيد بدون يحسب له أبيه يقرا [ الحقيقه ] يوم .. يلقاها ! . وأبي يحس إني اصدق قلب يكذب له اشهد معه ضد نفسي ,, وآتبلاها . وأبي يحس إني أكثر من تعذب له وأبي يحس ابـ عنا نفسي وما جاها . ما بعد قلبه ..سكن قلبي و لا قبله ولا همني مع رضاه .. الناس ورضاها . هو اكثر انسان .. يجرحني .. و انا اهرب له وعيوني أوفى العيون .. وغدره أبكاها ‏