قلبي جريح وعمق جرحه غلبني

زرت الصريف الصبح والنور بادي امشي على ارضٍ خباري واحادي من جنب بيرٍ كاينٍ بين الاشجار راح الزمان وراح وقتٍ يرادي عدّيت منّه والخواطر به اشعور من عند اثله حلته حب واسرور اثله لميثا صورت حب واشعار راحت سنينه نصفِ قرنِ له كسور تركتها واضحيت في تل نفده امشى على ارضٍ جحوده ومده لين المكان اللي هويناه اصغار به خاطري يسلى وعيني احده جمعت من رمثه وشبيتِ ضوّي في راسها جالس مخالج لجوّي ارعى بعيني من شجرها الى الدار وحرك لناري ومدري شسوّي قلبي جريح وعمق جرحه غلبني حتى غلب فرّيسها حصنِ مبني كنه ركب ريح العواصف مع اعصار وابقَى عليّ حطامها دون يبني