احاول اخفي شعوري في الهوى بـ البرود

ليه الجفا ؟ عقب وصلك يا كريم الوعود ليه الجفا ؟ يا حبيبي وانت راعي وفى شوقي لك اكبر من اعداد الامم والحشود او من عدد كل صفحة شوق وجه وقفى سعادتي في حضورك عامره بـ الورود ما كنّي الا مواطن بـ الرئيس احتفى ! احاول اخفي شعوري في الهوى بـ البرود والا انا بداخلي ميّت ، و ( أخاف الجفا ) ! انت الحُكُم وسط قلبي والحرس و الجنود وانا سجين الهوى اللي مْن السجن ما اكتفى لا ياخذك وقتك بـ كثر الجفا والصدود .. لو كان يمرض غيابك ، شوف وجهك شفاء ! فيك الغلا والمحبّة ، من صعود لـ صعود مثل النجم لا بدى وسط السماء ما هفى تعال مد الوصل ، خل الليالي تجود .. واللي مضى من غياب ، القلب عنّه عفى