لاتشتكي همّك على ضيّق البال

لاتشتكي همّك على ضيّق البال وتزيد فوق الهمّ همّ وغبينه إشتك على اللي فزعته تبري الحال الواحد اللي كلّنا عابدينه وإلاّ الصديق اللي على الراس ينشال اللي يعدّك ثالث لوالدينه اللي إذا شاف الزمن فيك ميّال قام وشلع همّ الخفوق بيمينه ووقفّ كما ياقف على العزّ خيّال وإستلّ سيف(ن) بالمواقف عوينه وقال الخوي يفداه عمري مع المال لاشوف دمعة ضيق في موق عينه خوّيك اللي للثقّيلات حمّال اللي من جروحك توحّى أنينه إن كان تبغى تسند إسند على جبال وإلاّ جروح القلب تبقى دفينه كم صاحب(ن) عدّيته اقرب من الحال ووقت اللوازم شفت فركة يدينه يبغى العذر وإذا عجز فيه يحتال هذاك أتلى شي بيني وبينه غاب وترك للجرح فيّة ومقيال والقلب من جرحه يبيّح كنينه دنيا(ن) تجينا كل يوم(ن) على حال والعمر ماأسرع مانضيّع سنينه يبقى الامل باللي عليم(ن) بالاحوال سبحانه اللي كلّنا عابدينه

كنت هنا مع حرفك الانيق استمتع بروعه كلماتك
دوماً انتظر جديدك المتميز اكيد احلى وأجمل
كل الود

ابو الملكات
شاكره لك مرورك العطر