كنت لو تطلب عيوني قلت خذها يا فديت

جيت متعنّي وأنا لولاك والله ماعنيت ......... جيت أدوّر في ظلام الحب صدر يضمّني. جيت.. وأحلامي كبيره جيت لاكنّي بكيت ......... يوم قلبك شافني ميّت عليه وردّني. بعتني بأرخص ثمن رغم انّي اقبلت وشريت .......... بعتني وللحين مدري ليه أصلاً بعتني. ما جرحت ولا فضحت ولا تعدّيت وخطيت .......... كلّ مافي السالفه أحساس يمّك شدّني. كنت لو تطلب عيوني قلت خذها يا فديت .......... ولو طلبت الروح اقدّمها عشانك تهتني. سمّني مجنونك أو عاشق عيونك لو بغيت ......... المهم أبقى معك دوم وبكيفك سمّني. ليه طيّب ماتبيني وأنت خابرني وفيت ......... ليش تتجاهل شعوري وأنت عارف معدني. تحرق اعصاب القصيد اللي على وصفك بنيت ......... كلّ همّك ينكسر ذاك الشموخ وينحني. ابتليت ايوالله انّي في محبتك ابتليت ......... وأغتربت وكانت احضانك ملامح موطني. وأنصدمت ومات فيني حلم يوم انّي دريت ......... انّك آخر شخص ممكن في الوجود يحبّني!!. مما راق لي