هذي حياتك .. وأنت حر بحياتك

لحظـــه قـبل لا تطلــب البـعد وتغيـب وتنهي معايه مرحله من حياتك أخذ الهدايا والصور والمكاتيب دامي خسرتك ما أبي ذكرياتك يمكن يكون فراقنا رأيٍ مصيب خيره .. كتبها الله جتني وجاتك رح واترك بقلبي لك أربع معازيب معزتك طاريك حبك غلاتك وإن شفتني أجمع شتاتي .. ماهو عيب باكر مع الأيام تجمع شتاتك وإن شفتني شايل جروحٍ معاطيب باكر يصير الجرح أبرز صفاتك أكبر مصيبه في زمان العذاريب إنّي أحبك وأنت حبك لذاتك الطيب لو إنك تجازيه بالطيب ماكان تالي الوقت هذي سواتك يا صاحبي لا صرت أغلا الأصاحيب لا تزعل بكيفك وتطلب رضاتك أنا حبيبك مبعد الشوح مانيب من صيّع جهاته .. يدور جهاتك إن كان ماعديت روس المراقيب ماني كفو أصلاً أنام في عباتك شفني مقدر عند عكف الأشانيب مانيب من تومي عليه بعصاتك رح للفراق إللي تركنا مصاويب شمّت اعداتي قبل تشمّت أعداتك الله معك .. رح وين ماودك تغيب هذي حياتك .. وأنت حر بحياتك

كنت هنا مع حرفك الانيق استمتع بروعه كلماتك
دوماً انتظر جديدك المتميز اكيد احلى وأجمل
كل الود

ابو الملكات
شاكره لك مرورك العطر