مدري وليه أغليك بس أنت بالذات
الظاهر إن أشوف أنا فيك نفسي

شبيه لي طبعٍ وفي كل عادات
أشوف عاداتي وروحي وحسي

مدري وراثة واشتراك ٍ في جينات
من جدٍ امن أجدادنا كان منسي

والا اكتساب ٍمع تمازج بخبرات
من دنيتي يوم ان تعطيني درسي

تعكس لي الصورة وكنك مرايات
حتى إن تعكس لي بصمات خمسي

أشوفك أحلامٍ وأشوفك طموحات
مستقبلي وحاضري ويوم أمسي

بدونك الدنيا تراها معاناة
يا ورد عمري وفجره ونور شمسي

مثل البحر غامض ولا لك نهايات
بالله خليني على برّك أرسي

عرفت حبي لك وهم مع خيالات
الحب كله يا حبيبي لنفسي

راقت لي