منتديات مملكة الراقي - عرض مشاركة واحدة

#1 25-10-2020, 08:54 PM

ذكرت صوته وابتسمت وتلعثمت
ياعونة الله كيف صوته ذكرته

بكيت من ذكراه لكن تبسمت
بسمة جريحٍ بعد حبه نكرته

ياما من اسبابك بكيت وتالمت
وقلبٍ خذيته لك بيدّك كسرته

كتمت سري ..للعرب ماتكلمت
خوف العواذل تبتسم لانشرته

يا كم ليله ساهره منك مانمت
والدمع من عيني عشانك نثرته

مرت سنه من غيبتك كلها صمت
واليوم كل الي بصدري ظهرته

درب الهوى عفته وعن سكته شمت
الحب بعدك ي حبيبي هجرته

ياقوي قلبك كيف فيني تحكمت
حتى بعد فرقاك صوتك ذكرته