منتديات مملكة الراقي - عرض مشاركة واحدة

#1 16-03-2022, 11:14 PM

لي متى ياوقت وظروفي ظروف
وما بقى عندي سوى شخطة قلم

واكتب الآهات في قالب حروف
وانثر الدمعات في صفحة ألم

من حبيب ٍ ليت له قلب ٍ يروف
يدري بْـ حزني و لا حنّ و حلَم

موحشٍ قلبي وعيني ما تشوف
والسبب ظلمه و لا كنّه ظلم

والبلا في ذكرياته و الطيوف
جنْد في ساحة خيالي تستلم

شمسك اللي ما تعرف الا الكسوف
وقت نور الشمس ما مرّه ولم

كنت رافع لي علَم ( عاشق لهوف )
والغريب الحين نكّست العلَم؟

ذقت منْك المرّ يا حلو الوصوف
وش تخلّي من عذابك وش تلم

في محطات الامل طال الوقوف
مع شعور احساس بـ انهاية فلم

صامد بْـ موقف خطَر من دون خوف
لو وقف به شخص غيري ما سلم

يا تجيني وانتعانق بالكفوف
يا أعيش الواقع بْـ كذبة حلم