ومضات سريعه

[حكآية روحْ ❤]

ومضات رائعه
الدقايق :
يعني هذا الهم فيني ..
حيل فاااايق ..!!



الثواني :
يبحر الدمع بجفوني
ومايلاقي له مواني ..!!



السنين :
يعني نمضي بلا هدفــ
يعني نمشي بلا دليل
يعني قلبك لا صرخ
تفتح أبوابك لهمِّك
وتلقى نفسك ..
حيل ضايق ..
وحيل نازف هالحنين ..!!




الألم :
لما تقتل رغبتك
وتلمح بعين إنكسارك
كل حياتك مهزلهـ
لما تتغرب بنفسك !
لما تتجرع مرارة حزنك
وجوَّاك " ميتــ "
لما تكسر بيد حرفك
... هالقلم !!



الوفـــــــا
:يعني قلبك لا صرخــ
يلقى له صدرٍ يضمَّهـ
وبعز همَّه يحضنهـ
ما يخافه يهمله أو يجيله يوم ويرميه بجفافــ !
ولو جفاه ؟
يخرس ويكتم :
أفااا ..!!



الحنين :
لما فيك الحس يبكي
لما يسأل ..
اللي باعك ..
وين ؟
وين ؟



المآسي :لما تتجمع غمومك ويَّا همِّك والمصايب
وبوسط قلبك ..
تبدأ بلعبة " كراسي " ..!!



الهموم :
يعني لما تلقى نفسك
تايهه تسال عليك !
يعني لما تلقى وجهك
غايب بكومة غيوم ..!!



الوداع :
يعني لما قلوب حبَّتــ
وسهرتــ وأظن " ضحَّتــ "
وفجأه حسَّت بالضياع ..!



الفراقـ :
تشعر إنَّ الصدر ضاق
وتنتهي بآخر طريق
وماتلاقيلك ملاذ
ويبدي فيك الـ إخ ت ن ا ق ..!!



الغياب :
لما تتفقد حياتك
وتلقى صوره لشخص راح !
تبدا تقرب عليها
لاجل تمحي
هالضبابــ !!


الصداقه :يعني تلقالك خوي
تبدا تهمه ويهمك
ويرجع يرتب سنينك
يعني ماترجع تفكر
بـ إنك أحيانًا
في غابه !!


الحياهـ :
يعني تعيش الصراعـ
ويبدي فيك الإنصياع
ويبتدي فيك العطش
وتبدا تشعر بالتعب
وتقفر الأرض اللي إنت فيها
وماتوصِّلها مياهــ !!



القهر :
تكتم الضيقه دهر
ترفض العَبرة النزول ..
تشعر إنَّ الأمر ضااااق
يبدي صبرك ينفجر ..!!



الهوَى :
تلقا إحساسك تبعثر
وبوسط قلبك ايتفجر ألف نبض وألف صوتٍ
لك ينادي ..
" وينه حبك ؟ "
ويرجع يلخبط كيانك ألف جرحٍ لك يصوِّتــ ..
" مالنا غيرهـ / دوَى " ..!!



الجروحـ :
تصرخ أقدارك بوجهكـ ..
تلقى فرحك مرتبك
تلقى حزنك لك يبوح
ويبتدي قلبك ينوحــ !!



الأمل :
يعني تشعر بإرتياح
يعني إتحاول تكسِّر هالقيود ..
وترجع تعيش بفرح
يعني لما تبدا ترتب حياتك ..
تبصر فـ قلبك " طفل " ....!!


الدموع :
يعني تعلن كبريائك
وتلمح بعينك خضوع !!



الزمنـ :ينتكس فيك الجسد
تب تقوم ..
تلقى عظمك .. " قَدْ وَهَن "!



الحنانـ :
يحضنك صدر بدفا
تشعر إنِّك في أمان !!



المرايا :
إنِّك تشوف الخفايا ..!!




الملل :دائرة تكبر وتكبر
إتساعٍ بإتساع
هو بياض ؟
هو سواد !
هُو شعورٍ بـ " الكَلَل " !



المُحال :
تشعر إنِّك وسط " قَاع " ..
وإن حلمك فوق قمَّة
من قمم هذي الجبال !!


تحياتي وودي ..

[خالد الشاعر]

الله يعطيكِ العافيه
طرح رائع وانتِ دائماً رائعه في طرحكِ
أنتظر جديدكِ بكل الشوق
تقبلي مروري المتواضع
لكى خالص تحياتى
خ ـالد الشاعر

[حكآية روحْ ❤]

خالد
شاكره لك مرورك العطر

[بلسم الروووح]

تألق وتميز
جمال في الطرح وروعة في الاختيار
اشكرك من الأعماق
يسعدني التواجد هنا
وانتظر جديدك الشيق
تسلم يمينك

[رحيل]

طرح في غايه آلروعه وآلجمال
سلمت آناملك على الانتقاء الاكثر من رائع
ولاحرمنا جديدك القادم والشيق
ونحن له بالإنتظار,,~

[حكآية روحْ ❤]

بلسم
شاكره لك مرورك العطر

[حكآية روحْ ❤]

رحيل
شاكره لك مرورك العطر

[الجوري]

انتقاء جميل
يعطيك العافيه

[حكآية روحْ ❤]

الجوري
شاكره لك مرورك العطر

[- فتنہۧ آلحـوُر ❖]

سلمت الانامل
ويعطيك العافيه على المجهود المبذول
ماننحرم من فيض عطائك وإبداعك
لك تحياتي وفائق شكري