لوكآ
15-09-2016, 10:23 AM
سامح الله من قصدني .. و أعتمدني ب الخطيه
من قريبين الجدود .. و من ب عيدين الجدودي
دايمٍ ما يفلح اللي .. غير النية ب نية
و الخطية كان ما تنقص .. تراها ما تزودي
خابر إنك ما تروح .. بعيد يا راع الرديه
لو مشيت ألفين كيلو .. ما تعديك الحدودي
أنت طرقيٍ معنى .. لا شداد ولا مطية
لا أنت ب فتال العقود .. ولا أنت حلال العقودي
لو تحزم ب الرصاص .. و لو نقلت البندقية
الرصاص يذل .. و البندق تذل مع الشرودي
هب و أنا راعي العشوا .. و خيال العبيه
كيف يا رخو العضود .. تضد مفتول العضودي
والله إني لا كليل .. ولا ذليل ولا عليه
مير أحسب لي علومٍ .. ما بقي منها وجودي
أحسب حساب الرفاقه .. و المروه و الحميه
حشمة للطيبين .. اللي بعضهم ف اللحودي
نظرتي ف الطيبين .. و نظرة الحساد فيه
كلها نظرة حسد .. و العود في عين الحسودي
والله إني ما أدعيت .. ب حجةٍ ما هيب ليه
حجتي ما ت نجحد .. و اللي جحدها من شهودي
خافوا الله ي القضاه .. اللي تعرفون القضية
الصحيح يسود و الباطل .. مصيره ما يسودي
لا مطالبكم ب دين .. و ذمتي منكم بريه
ما بقي غير العلوم .. اللي يبيحن السدودي
بينٍ عيد رمضان .. و بينٍ عيد الضحية
يا عسى الأول يعود .. و يا عسى الثاني يعودي
يا قطن جاتك مزوعةٍ .. من الحرّه طميه
مستخفّه عقب كانت .. لا رموح ولا هبودي
ساقها عشق الجنون .. و ساعدتها الجاذبيه
لين عدتها الجبال .. المستطيلة و النفودي
معجزه في عصرنا الحاضر .. و عصر الجاهلية
الهوى صاب الحجر .. ما به قلوب ولا كبودي
وين قيس بن الملوح .. وين ليلى العامريه
كيف ما ينصفهم اللي .. ي نصف ديانا و دودي !!
و العزا فيما بقى .. و اللي بقا فيه البقية
مرة الايام بيض .. و مرت الايام سودي
يالله أجعل خاتمتنا .. ب السلام و ب التحية
و نتوفى محرمين .. و في حرم ربي سجودي.
م/،ن
من قريبين الجدود .. و من ب عيدين الجدودي
دايمٍ ما يفلح اللي .. غير النية ب نية
و الخطية كان ما تنقص .. تراها ما تزودي
خابر إنك ما تروح .. بعيد يا راع الرديه
لو مشيت ألفين كيلو .. ما تعديك الحدودي
أنت طرقيٍ معنى .. لا شداد ولا مطية
لا أنت ب فتال العقود .. ولا أنت حلال العقودي
لو تحزم ب الرصاص .. و لو نقلت البندقية
الرصاص يذل .. و البندق تذل مع الشرودي
هب و أنا راعي العشوا .. و خيال العبيه
كيف يا رخو العضود .. تضد مفتول العضودي
والله إني لا كليل .. ولا ذليل ولا عليه
مير أحسب لي علومٍ .. ما بقي منها وجودي
أحسب حساب الرفاقه .. و المروه و الحميه
حشمة للطيبين .. اللي بعضهم ف اللحودي
نظرتي ف الطيبين .. و نظرة الحساد فيه
كلها نظرة حسد .. و العود في عين الحسودي
والله إني ما أدعيت .. ب حجةٍ ما هيب ليه
حجتي ما ت نجحد .. و اللي جحدها من شهودي
خافوا الله ي القضاه .. اللي تعرفون القضية
الصحيح يسود و الباطل .. مصيره ما يسودي
لا مطالبكم ب دين .. و ذمتي منكم بريه
ما بقي غير العلوم .. اللي يبيحن السدودي
بينٍ عيد رمضان .. و بينٍ عيد الضحية
يا عسى الأول يعود .. و يا عسى الثاني يعودي
يا قطن جاتك مزوعةٍ .. من الحرّه طميه
مستخفّه عقب كانت .. لا رموح ولا هبودي
ساقها عشق الجنون .. و ساعدتها الجاذبيه
لين عدتها الجبال .. المستطيلة و النفودي
معجزه في عصرنا الحاضر .. و عصر الجاهلية
الهوى صاب الحجر .. ما به قلوب ولا كبودي
وين قيس بن الملوح .. وين ليلى العامريه
كيف ما ينصفهم اللي .. ي نصف ديانا و دودي !!
و العزا فيما بقى .. و اللي بقا فيه البقية
مرة الايام بيض .. و مرت الايام سودي
يالله أجعل خاتمتنا .. ب السلام و ب التحية
و نتوفى محرمين .. و في حرم ربي سجودي.
م/،ن