اقبلت كنها تمشى على هام السحاب

معجب !! وفي خدها شفت موتي والعذاب
واذبحتني لين ما قلت ( حي امي وأبي )


لعنبو خد(ن) بها التوت والسكر مذاب
من يقول ان مثلها خد آنا آقص شنبي


الحلا وأم الحلا والدلع والانجذاب
وروعة كنها فتافيت فيلم اجنبي


سندريلا عصرها وآحلف فوق الكتاب
لا مثلها فالرياض ولا ديرة بوظبي


من بنات الدوحه ومن سميحات الجناب
والجمال اللي يتحدى الجمال المغربي


ارتبكت وضاعت علومي وسال اللعاب
ولعنبوها من عباة مهي نفس العبي


اقبلت كنها تمشى على هام السحاب
جعل يفداها شبابي وعمري واتعبي


هيبة خطاها ألى لامست رمل التراب


هيبة عيال ال مكتوم في داخل دبي


ما حدن غيري يشوف القمر لابس حجاب
ولا حدن غيري يعانق بكفينه ظبي


شاعر وحسي غلبني بطيبه وانسياب
واكره اللعب الطفولي من وتوي صبي


شايب ربي عطاه العمر في عمر شاب
الذكي عندي لو يجادل ايروح غبي


ماني اقلد وأقول ان انا غير الشباب
او اجيب الك السوالف بشكل لولبي


لكن اسمع قبل لاتسأل وهاك الجواب
نبذة عني تفيدك تبي او ما تبي


اكره الكجول ولا آداني البدله وكاب
لانها ماهي بسلمي ولا هي مذهبي


ومختلف طبع وقناعات خلقه واكتساب
وكل هذا قبل لا أفخر بعزي ونسبي


هيه انا مري وربعي ملوية الرقاب
لا غزانا غازي القوم يخسى ويهبي


وعينك اللي شفتها ما حسبت لها حساب
آه منها وآه من سهمها اللي عاق بي


التقيتك في طريقي وذاب القلب ذاب
وشفت بك من كل وصف يوافق مطلبي