خلاص ياخلي محيت الامـل فيـك
مدام صار البعـد عنـدك وسيلـه

ادري تبينـي بـس ماعـاد يمديـك
كل الـدروب الاربعـه مستحيلـه

لالا تعـذر كافـي اعـذار مابيـك
الهـم يكفـي عـن كثيـره قليلـه

حاولت اشوفك واتقـرب واداريـك
.وقلبي من الحرمـان ضيـع دليلـه

ياما رجيتك في هوى حب مغليـك
ياما رجيتـك بـس مافيـك حيلـه

اقفيت عني والغـلا بيـن اياديـك
وخليـت قلبـي يكتـوي باالمليلـه

كنت الامل واصبحت هـم بتعاليـك
وهمي اللـي مالقـى مـن يزيلـه

كنت البياض الحين سـادت لياليـك
نبراس باقـي الحـب لازم نشيلـه